काठमाडौं : बाढी-पहिरोका कारण देशका विभिन्न क्षेत्रमा सडक अवरोध हुनुको साथै क्षति भएको छ। प्युठानको सरूमारानी गाउँपालिका-४ खहरेखोलास्थित भालुवाङ-प्युठान सडकमा वर्षाको कारण मंगलबार बिहान पहिरो खस्न गई अवरोध भएको छ।
यस्तै, बैतडीको पुर्चौडी नगरपालिका-६ स्थित खोड्पे-बझाङ सडकमा अविरल वर्षाका कारण मंगलबार बिहान पहिरो खस्न गई अवरोध भएको छ।
यसैगरी रसुवाको गोसाईकुण्ड गाउँपालिका-५ स्याफ्रुस्थित पासाङ ल्हामु (धुन्चे-स्याफ्रुवेशी-टिमुरे) सडकमा मंगलबार बिहान पहिरो खस्दा पूर्णरुपमा अवरोध भएको छ।
मकवानपुरको ईन्द्रसरोबर गाउँपालिका-२ झरनाखोल्सास्थित महालक्ष्मी खोला र झरना खोल्सामा सोमबार राति आएको बाढीले बगाएर एक थान मिक्चर, पानी बोक्ने ट्याङ्कर र ५ क्विन्टल रड तथा मर्मत गरिरहेको बाटो अन्दाजी १५० मिटरमा क्षति भएको छ।
नजिकको कार्यालयबाट तत्काल खटी गएको प्रहरीले अवरोध सडक जेसिबीको सहयोगमा खुलाउने कार्य गरिरहेको छ।
तपाईंको ईमेल गोप्य राखिनेछ ।