बैतडी : लगातारको वर्षाले सडक माथिबाट पहिरो खस्दा महाकाली राजमार्ग अवरुद्ध भएको छ। राजमार्गको बैतडीको सतबाँझ–गोकुलेश्वर सडकखण्डको सुर्नया गाउँपालिका–३ धरमघर नजिकै पहिरो खस्दा राजमार्ग अवरुद्ध भएको हो।
शनिबार अपरान्ह ४ बजे खसेको पहिरोले राजमार्ग अवरुद्ध भएको बैतडीका प्रहरी प्रवक्ता प्रहरी निरीक्षक दर्शन खड्काले जानकारी दिए। उनले भने,‘अवरुद्ध सडक खुलाउन सडक कार्यालयसँग समन्वय भइरहेको छ।
लगातारको पानीले समस्या भएको छ।’ राजमार्ग अवरुद्ध हुँदा गोकुलेश्वर, दार्चुला जाने, दार्चुलाबाट फर्किने सवारी साधन बाटोमै राेकिएका छन्।
तपाईंको ईमेल गोप्य राखिनेछ ।