धनगढी : डोटीको पूर्वी चौकी गाउँपालिका–३ गैरागाउँमा जीप दुर्घटनामा मृत्यु भएकाको पहिचान खुलेको छ। दुर्घटनामा पूर्वी चौकी गाउँपालिका–३ का २९ वर्षीय खेमबहादुर बोहरा र सोही ठाउँका ४५ वर्षीय पुरन बोहराको मृत्यु भएको डिएसपी भोलाकुमार भट्टले थाहाखबरलाई जानकारी दिए।
स्थानीय बजार साँझघाटबाट गैरा गाउँ जाँदै गरेको से १ ज ८३९ नम्बरको जिप साँझ ७ बजेतिर दुर्घटना हुँदा २ जनाको मृत्यु भएको थियो भने ८ जना घाइतेमध्ये एक जना सिकिस्त छन्। घाइतेलाई डोटी जिल्ला अस्पतालमा उपचारका लागि पठाइएको छ।
दुर्घटनापछि जिपचालक फरार भएका छन्। दुर्घटनाको कारण नखुलेको प्रहरीले जनाएको छ।
तपाईंको ईमेल गोप्य राखिनेछ ।