काठमाडौं : प्रतिनिधिसभाको बैठक आइतबार दिउँसो १ बजे बस्दैछ।
कार्यव्यवस्था परामर्श समितिमा मनोनयन तथा हेरफेर गर्ने आइतबारको बैठकको सम्भावित कार्यसूची रहेको संघीय संसद् सचिवालयले जनाएको छ ।
सभामुख अग्निप्रसाद सापकोटाले प्रतिनिधिसभा नियमावली, २०७५ को नियम १३ बमोजिम गठित कार्यव्यवस्था परामर्श समितिमा सदस्य मनोनयन गर्नेछन् ।
यस्तै संघीय संसदको संयुक्त बैठक र संयुक्त समिति (कार्यसञ्चालन) नियमावली, २०७५ को नियम २५ र २७ बमोजिम गठित समितिहरूमा सदस्यको नाम हेरफेर गर्ने कार्यसूची पनि छ।
सभामुख सापकोटाले प्रतिनिधिसभा नियमावली, २०७५ को नियम १७२ बमोजिम गठित समितिमा सदस्य हेरफेर गर्नेछन्।
तपाईंको ईमेल गोप्य राखिनेछ ।