काठमाडौं : नेकपा माओवादी केन्द्रले अध्यक्ष पुष्पकमल दाहाल ‘प्रचण्ड’ पत्नी सीता दाहालको निधनमा दुःख व्यक्त गरेको छ। महासचिव देवप्रसाद गुरुङले बुधबार विज्ञप्ति जारी गरी सीताको निधनले पार्टी, जनता र राष्ट्रका लागि अपूरणीय क्षति भएको बताएका छन्।
‘उहाँले नेपालको कम्युनिष्ट आन्दोलनमा अत्यन्त महत्त्वपूर्ण र अविस्मरणीय योगदान पुर्याउनुभएको छ। सिद्धान्तप्रतिको निष्ठा, उन्नत राजनीतिक चेतना, पार्टी, जनता र राष्ट्रप्रतिको निःस्वार्थ एवं असीमित समर्पण उहाँका विशेषता हुन्’, विज्ञप्तिमा भनिएको छ, ‘उहाँ आफ्ना योगदानमार्फत चीर कालसम्म स्मरणीय र भावी पुस्ताका लागि प्रेरणाको स्रोत रहनुहुनेछ।’
सीता दाहालले देश र जनताको मुक्ति एवं परिवर्तनका निम्ति खेलेको योगदानको उच्च सम्मान गर्दै सिंगो पार्टी श्रद्धाञ्जली अर्पण गर्दै ०२८ सालदेखि नै कम्युनिस्ट आन्दोलनमा आबद्ध रहेको विज्ञप्तिमा उल्लेख छ।
तपाईंको ईमेल गोप्य राखिनेछ ।