भारतको पश्चिमी राज्य गुजरातमा शनिबार भएको आगलागीमा परी मृत्यु हुनेको संख्या २८ पुगेको स्थानीय दमकल विभागका अधिकारीले आइतबार बताएका छन्। मृत्यु हुनेमा नौजना बालबालिका रहेका छन्।
राज्यको राजकोट जिल्लामा रहेको टीआरपी गेम जोन नामक मनोरञ्जन पार्कमा आगलागी भएको हो। आगलागीको कारण औपचारिक रुपमा खुल्न सकेको छैन तर मनोरञ्जन पार्कभित्र वेल्डिङको काम वा सर्ट सर्किटका कारण आगलागी भएको हुनसक्ने आशंका गरिएको छ।
त्यसपछि विभिन्न गेमिङ मेसिनहरू इन्धनको लागि राखिएको डिजेलको ठूलो स्टकले थप त्रासदी निम्त्यायो। दुर्घटनापछि, गेम जोनका मालिकहरूलाई पक्राउ गरिएको छ। मिडिया रिपोर्टका अनुसार मनोरञ्जन पार्क अस्थायी संरचनाले बनेको थियो र ज्वलनशील पदार्थहरू भण्डारण गर्न पर्याप्त हेरचाह गरिएको थिएन। प्रदेश सरकारले छानबिनका लागि विशेष छानबिन टोली गठन गरेको छ।
तपाईंको ईमेल गोप्य राखिनेछ ।