अमेरिकाले अफगानिस्तानमा आक्रमण गरेको १८ बर्षपछि आफ्नो सेनालाई पूर्ण रुपमा त्यहाँबाट फिर्ता लैजाने भएको छ।
अमेरिका र द्वन्द्वरत तालिवानबीच शनिबार विस्तृत शान्ती सम्झौता भएसँगै सेना फिर्ता गर्ने अवधि नै तोकिएको छ। सम्झौताअनुसार अमेरिका र उसको गठनबन्धनमा रहेका मुलुकहरुले अबको १४ महिनाभित्र आफ्ना सेनालाई अफगानिस्तानबाट फिर्ता गरिसक्नु पर्नेछ।
अमेरिकी विदेशमन्त्री माइक पोम्पियो र तालिबानी नेताहरुले कतारको राजधानी दोहामा विस्तृत शान्ती सम्झौतामा हस्ताक्षर गरेका छन्। सम्झौताअनुसार तालिवानले आफ्नो क्षेत्रमा अलकायदा या अन्य कुनै अतिवादी समूहहरुलाई प्रवेश दिने छैनन्।
यस्तै, अमेरिका र उसका सहयोगी देशहरुले पनि आउँदो १४ महिनाभित्र त्यहाँबाट सेना फिर्ता गर्नुपर्नेछ। शान्ती सम्झौतापछि जारी गरिएको वयानमा भनिएको छ- अमेरिकी र तालिबीचको सम्झौता एक अर्को पक्षले आफ्नो पक्षबाट कार्यान्वयन गर्ने प्रतिबद्धतामा निर्भर छ।
विस्तृत शान्ती सम्झौतासँगै अफगानिस्तानमा १८ बर्षदेखि चलिरहेको शसस्त्र संघर्ष अन्त्य हुने विश्वास गरिएको छ।
तपाईंको ईमेल गोप्य राखिनेछ ।