जाजरकोट : जाजरकोट, रुकुम पश्चिम र डोल्पामा अत्यधिक चिसो बढेपछि जनजीवन प्रभावित भएको छ। मंगलबार रातिदेखि लगातार परेको पानीका कारण चिसो बढेको हो।
उपल्लो डोल्पा, जाजरकोटको बारेकोट र रुकुम पश्चिमको आठबीसकोट नगरपालिकाको उच्च भागमा हिमपात जारी छ। हिमपातसँगै अधिकांश ठाउँको टेलिफोन सेवासमेत प्रभावित भएको छ।
जाडोका कारण जनजीवन कष्टकर भएको डोल्पाको कुम्ली विद्यालयका शिक्षक जयकृष्ण हमालले बताए। बिहानै घाँस काट्ने काम ठप्प भएपछि पशुचौपायलाई खुवाउने आहाराका लागि समस्या भएको स्थानीयले बताएका छन्। चिसो अत्यधिक बढेपछि पठनपाठन प्रभावित बनेको छ। नियमित पानी परेपछि यातायात सेवासमेत प्रभावित भएको छ।
तपाईंको ईमेल गोप्य राखिनेछ ।