आइसिसी टी-२० विश्वकप छनोटका लागि नेपाली क्रिकेट टोली मंगलबार ओमान प्रस्थान गरेको छ। टिमलाई नेपाल क्रिकेट संघ (क्यान) र युवा तथा खेलकुदमन्त्री महेश्वर गहतराज भर्चुअल बिदाइ गरेका थिए।
ग्लोबल छनोटमा समूह ए मा नेपालसहित आयोजक ओमान, फिलिपिन्स, क्यानडा, युएई, बहराइन, आयरल्यान्ड र जर्मनी रहेका छन्। खेलहरू फेब्रुअरी १८ देखि २४ सम्म हुँदै छ।
जसअन्तर्गत पनि एउटा समूहका टोलीलाई २ समूहमा विभाजन गरेर खेलाइने छ। नेपाल, क्यानाडा, फिलिपिन्स र ओमान एकअर्काविरुद्ध समूह चरणमा प्रतिस्पर्धा गर्ने छन्। अर्को समूहमा युएई, बहराइन, आयरल्यान्ड र जर्मनीले प्रतिस्पर्धा गर्ने छन्।
दुवै समूहको शीर्ष २ मा रहने ४ टिमबीच सेमिफाइनलमा प्रतिस्पर्धा हुने छ। सेमिफाइनलबाट फाइनल पुग्ने २ टोली विश्वकपमा खेल्ने छन्।
प्रतियोगिताअघि नेपालले चारदेशीय टी-२० सिरिज खेल्ने छ। नेपालले आयरल्याण्ड, युएई र ओमानसहित ३ देशसँग प्रतियोगिताअघि नै प्रतिस्पर्धा गर्दै छ।
यस्तो छ खेल तालिकाः
चारदेशीय प्रतियोगिता
२८ माघ : नेपाल विरुद्ध ओमान
२९ माघ : नेपाल विरुद्ध युएई
२ फागुन : नेपाल विरुद्ध आयरल्याण्ड
विश्वकप छनोट:
६ फागुन : नेपाल विरुद्ध ओमान
७ फागुन : नेपाल विरुद्ध फिलिपिन्स
९ फागुन : नेपाल विरुद्ध क्यानडा
तपाईंको ईमेल गोप्य राखिनेछ ।