काठमाडौं : पहिलो संस्करणको नेपाल टी–२० लिग क्रिकेटमा सोमबार ‘प्लेअफ’ को दोस्रो खेल हुँदैछ। प्लेअफमा आज इलिमिनेटरको खेल हुदैछ ।
काठमाडौं नाइट्स र विराटनगर सुपर किङ्सबीच खेल हुन लागेको हो। खेल कीर्तिपुरस्थित त्रिवि मैदानमा मध्याह्न १२ बजे सुरु हुनेछ।
यो लिगको समूह चरणको दुई खेलमा विराटनगर र काठमाडौंले एकआपसविरुद्ध दुई खेल खेलेकामा १/१ खेल जितेका छन्। विराटनगरले तेस्रो तथा काठमाडौंले चौथो स्थानमा रहँदै समूह चरण पार गरेका थिए ।
सोमबारको विजेताले आइतबारको पहिलो क्वालिफायरमा पराजित जनकपुर रोयल्ससँग फाइनल प्रवेशका लागि खेल्नेछ। पराजित हुने प्रतियोगिताबाट बाहिरिने छ।
लिगको विजेताले ५५ लाख र उपविजेताले ३० लाख नगद पुरस्कार प्राप्त गर्नेछन्। तेस्रोले १० लाख र चौथोले ५ लाख पाउने छन्।
तपाईंको ईमेल गोप्य राखिनेछ ।