सल्यान : कर्णाली प्रदेशमा कोरोना संक्रमितको संख्या ६ सय ७१ पुगेको छ। मंगलबार २० जनामा कोरोना पुष्टि भएसँगै प्रदेशमा संक्रमितको संख्या ६ सय ७१ पुगेको हो।
प्रदेश अस्पताल, पशुपंक्षी रोग अन्वेषण प्रयोगशाला सुर्खेतमा १६, कर्णाली स्वास्थ्य विज्ञान प्रष्ठिान जुम्लामा २ र राप्ती स्वास्थ्य विज्ञान प्रतिठानमा गरिएको परीक्षणमा २० जना थपिएका सामाजिक विकास मन्त्रालय स्वास्थ्य सेवा महाशाखा प्रमुख डा.लक्ष्मीनारायण तिवारीले जानकारी दिए।
आज थप भएका संक्रमितमा सल्यान बन्गाड कुपिण्डे नगरपालिका ३ का २४, २५, २६ वर्षका पुरुष, वडा ४ का १७, २०, २०, २५, २६, २८ र ३० वर्षका पुरुष, वडा न ५ का १८ र वडा न ८ का १८ वर्षका पुरुष रहेका छन्। यस्तै सुर्खेत वीरेन्द्रनगर नगरपालिका १२ का २२ वर्षका पुरुष र १९ वर्षिया महिला, गुर्भाकोट नगरपालिका १४ का ५० वर्षीय पुरुष रहेका छन्।
यस्तै कर्णाली स्वास्थ्य विज्ञान प्रतिष्ठानमा जुम्लामा गरिएको परीक्षणमा जुम्ला हिमा गाउँपालिका ४ का ३५ र तिला गाउँपालिका २ का २८ वर्षिया महिला रहेका छन्।
राप्ती स्वास्थ्य विज्ञान प्रतिष्ठान दांगमा गरिएको परीक्षणमा सल्यान कपुरकोट गाउँपालिका ६ का २९ वर्षीय पुरुष र सुर्खेत सिम्ला गाउँपालिका ६ का २४ वर्षीय पुरुष छन्।
सल्यानका ती युवाको २१ गते सक्रमण पुष्टि भएको थियो र सुर्खेतका २३ गते पुष्टि भएको थियो। हालसम्म कर्णाली प्रदेशमा कोभिड १० संक्रमणबाट निको भई डिस्चार्च हुनेको संख्या ११ रहेको छ भने संक्रमण पुष्टि भएका मध्ये तीन जनाको मृत्यु भएको मन्त्रालयले विज्ञप्तिमार्फत जनाएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।