काठमाडौँ : उपप्रधानमन्त्री तथा गृहमन्त्री रवि लामिछानेले आफूलाई गलत देखाउन कांग्रेसले सहकारी ठगी प्रकरण उचालेको आरोप लगाएका छन्। कांग्रेसले स...
काठमाडौ : संसदबाहिर रहेका राजनीतिक दलहरूले निर्वाचनमा भाग लिने वातावरण बनाउन सरकार र निर्वाचन आयोगसँग माग गरेका छन्।
डा. बाबुराम भट्टराई नेतृत्वको नयाँ शक्ति पार्टी नेपालसहित संसदमा नरहेका २४ वटा राजनीतिक दलले बिहिबार काठमाडौंमा पत्रकार सम्मेलन गरी स्थानीय तहको निर्वाचनमा भाग लिने वातावरण बनाउन सरकार र निर्वाचन आयोगसँग माग गरेका हुन्। स्थानीय तह निर्वाचन ऐनले संसदमा नरहेका दलहरूलाई दलीय हैसियतमा निर्वाचनमा भाग लिन नपाउने व्यवस्था गरेको भन्दै उनीहरूले आपत्ति पनि जनाएका छन्।
निर्वाचनमा जित्नेले राज्य चलाउने र हार्नेले पुनः जित्न पहिचानसहित जनतामा जान पाउने बहुदलीय व्यवस्थाको विश्वव्यापी मान्यताविपरीत स्थानीय तह निर्वाचन ऐनमा व्यवस्था गरिएको २४ दलद्वारा जारी विज्ञप्तिमा उल्लेख गरिएको छ।
संसदबाहिर रहेका सबै राजनीतिक दलहरूलाई निर्वाचन चिह्न प्रदान गरी स्थानीय तहको निर्वाचनमा भाग लिने वातावरण तयार गर्न माग गर्नेहरूमा आम आदमी पार्टी नेपाल, किरात खुम्बुवान लोकतान्त्रिक पार्टी, नेपाल संघीय समाजवादी पार्टी, नेपाल कम्युनिष्ट पार्टी, नेपाल समावेशी पार्टी, बहुजन समाजवादी पार्टी, नेपाललगायतका जातीय तथा क्षेत्रीय पार्टीहरू पनि रहेका छन्। डा. भट्टराई नेतृत्वको नयाँ शक्ति पार्टी, नेपालले सबै राजनीतिक दलहरूलाई निर्वाचनमा भाग लिन नपाउने गरी आएको स्थानीय तह निर्वाचन ऐन खारेज गर्न माग गर्दै सरकार र निर्वाचन आयोगसँग यसअघि पनि माग गरेको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।