निर्वाचन अधिकृत टेकबहादुर थापाका अनुसार कोहलपुरमा ३८१ उम्मेदवार छन्। प्रमुखमा ९ र उपप्रमुखमा ८ जनाको उम्मेदवारी परेको निर्वाचन अधिकृत थापाले जानकारी दिए। 

खजुरामा गाउँपालिकामा १९२ जना उम्मेदवार छन्। निर्वाचन अधिकृत भुवन गिरीका अनुसार अध्यक्षमा ८, उपाध्यक्षमा ९, वडा अध्यक्षमा ३८, महिला सदस्यमा ३५, दलित महिला सदस्यमा ३५ र खुला सदस्यमा ६७ जनाको उम्मेदवारी परेको छ। 

डुडुवा गाउँपालिकामा २०२ जनाको उम्मेदवारी कायम भएको छ। अध्यक्षमा १०, उपाध्यक्षमा ७, वडा अध्यक्षमा ४४, महिला सदस्यमा ३४, दलित महिला सदस्यमा ३५ र खुला सदस्यमा ७२ जना २०२ जनाको उम्मेदवारी कायम भएको छ। 

जानकी गाउँपालिकामा २१७ जनाको उम्मेदवारी कायम भएको छ। निर्वाचन अधिकृत ऋषिराम केसीका अनुसार पार्टीका तर्फबाट २०७ जना र  १० जना स्वतन्त्रको उम्मेदवारी कायम भएको छ। अध्यक्षमा ११, उपाध्यक्षमा ७ तथा वडा अध्यक्ष ११, महिला सदस्य ३९, दलित महिला सदस्य ४१, खुला सदस्यमा ७५ उम्मेदवार छन्।

राप्ती–सोनारी गाउँपालिकामा २०९ जनाको उम्मेदवारी परेको छ। राप्ती सोनारीमा ९ जना अध्यक्ष र ६ जना उपाध्यक्षको उम्मेदवारी कायम भएको छ। बैजनाथ गाउँपालिकामा २०२ उम्मेदवार रहेका निर्वाचन अधिकृत सुशील देवकोटाले जानकारी दिए। नरैनापुर गाउँपालिकामा १७३  जनाको उम्मेदवारी परेको निर्वाचन अधिकृत गोर्खबहादुर थापाले बताए।

नेपालगञ्जसहित बाँकेका ८ स्थानीय तहमा कुल २ लाख ४६ हजार ७ मतदाता रहेको निर्वाचन कार्यालयले जनाएको छ। १ लाख २५ हजार ९९३ महिला र १ लाख २० हजार ८४ पुरुष र १ तेस्रोलिङ्गी मतदाता छन्। बाँकेमा १३६ मतदान स्थल र २९५ मतदान केन्द्र रहेको निर्वाचन कार्यालयले जनाएको छ।