काठमाडौं ट्ठ प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका शीर्ष नेताबीच बालुवाटारमा छलफल जारी छ। प्रधानमन्त्री निवा...
काठमाडौं : निर्वाचन आयोगले नेपाल कम्युनिष्ट पार्टी (एमाले) का तर्फबाट डोटी जिल्लाको प्रतिनिधिसभा सदस्यका उम्मेदवार प्रेमबहादुर आलेमगरसँग २४ घण्टे स्पस्टीकरण मागेको छ।
आलेमगरले निर्वाचन आचारसंहिता विपरित मतदातालाई रकम बाँडेको सूचना निर्वाचन आयोगमा प्राप्त भएको भन्दै योगले स्पष्टीकरण सोधेको हो। 'उम्मेदवारी रद्द किन गर्न नपर्ने हो भनी उम्मेदवार आलेमगरलाई २४ घण्टाभित्र आयोगमा स्पष्टीकरण पेश गर्न निर्देशन दिएको', आयोगका सह प्रवक्ता मुकुन्द शर्माले जानकारी दिए।
शर्माका अनुसार आलेमगरलाईलाई पठाएको पत्रमा चुनावी दौडमा रहेका निवर्तमान एमाले सांसदले पैसा बाँडेको आरोप भन्ने समाचार प्रकाशित भएकोमा आयोगको ध्यानाकर्षण भएको हो। प्रतिनिधिसभा तथा प्रदेशसभा सदस्य निर्वाचन आचारसंहिता लागू भइरहेको अवस्थामा प्रतिनिधिसभा सदस्यको उम्मेदवारले मतदातालाई रकम बाँडेको विषय निर्वाचन आचारसंहिता विपरित देखिएकोले आयोगले स्पष्टीकरण सोधेको आयोगले जानकारी दिएको छ।
आयोगले आलेमगरलाई 'निर्वाचन आयोग ऐनअनुसार तपाईंको उम्मेदवारी रद्द किन गर्न नपर्ने हो?' भनि प्रश्न गर्दै पत्र प्राप्त भएको मितिले २४ घण्टाभित्र स्पष्टीकरण पेश गर्न निर्देशन दिएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।