सर्लाही : सर्लाहीको ईश्वरपुर नगरपालिकास्थित रामनगरमा करेन्ट लागेर एक जनाको मृत्यु भएको छ भने एक जना गम्भीर भएका छन्। ईश्वरपुर नगरपालिका...
अत्यधिक चिसो र हुस्सुले मध्य तराईको जनजीवन प्रभावित
पुस २, २०७४
वीरगञ्ज : केही दिनयता बढेको अत्यधिक चिसोले पर्सा, बारा, रौतहट लगायत मध्य तराईका जिल्लाको जनजीवन प्रभावित बनेको छ। बिहानदेखि बेलुकासम्म चल्ने बाक्लो हुस्सु र चिसोका कारण विद्यालयहरुमा पठनपाठन प्रभावित भएको छ, वृद्धवृद्धाहरु घरबाट बाहिर निस्किन मुस्किल भएको छ।
चिसोका कारण व्यापारसमेत प्रभावित भएको वीरगञ्ज माइस्थानका कपडा व्यापारी मोहन कलवार बताउँछन्। बाक्लो हुस्सु र चिसोका कारण खास गरेर गरीब, दलित र विपन्न बस्तीमा रुघाखोकी, ज्वरो, श्वासप्रश्वास र हाडजोर्नीका बिरामी निकै बढेका छन्।
चिसोका कारण बिरामीको संख्यामा वृद्धि भएपछि नारायणी उप–क्षेत्रीय अस्पताल र ग्रामीण भेगका रहेका सरकारी स्वास्थ्य संस्थाहरुमा अहिले बिरामीको चाप निकै बढेको जिल्ला जनस्वस्थाय कार्यालय पर्साका प्रमुख राजकिशोर पण्डितले बताए।
अचानक बढेको चिसोका कारण विशेष गरी बालबालिका र वृद्घवृद्घाहरु प्रत्यक्ष मारमा पर्ने भएकाले बाक्लो कपडा लगाउन र घरबाहिर ननिस्किन सल्लाह नारायणी उपक्षेत्रीय अस्पतालका डा. अतुलेस चौरसियाले दिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।