धनकुटा : आगामी जेठ ३०, ३१ र ३२ गते पोखरामा सञ्चालन हुने बुद्धिचाल प्रतियोगिताका लागि १५ वर्षभन्दा मुनिका खेलाडीहरुको धनकुटा छनोट सकिएको छ...
भारत विरुद्धको खेलबाट टेस्टमा डेब्यु गर्दै अफगानिस्तान
माघ ३, २०७४
अफगानिस्तान क्रिकेट टिमले भारत विरुद्धको खेलबाट टेस्ट क्रिकेटमा डेब्यु गर्ने भएको छ। अफगानिस्तानले पहिलो खेल भारतविरुद्ध बैंगलोरमा १४ देखि १८ जुनसम्म खेल्ने तय भएको बिसिसीआईले जनाएको छ।
बिसिसीआई र अफगानिस्तान क्रिकेट बोर्डको बैठकले टेस्टको मिति र स्थान तय गरेसँगै अफगानिस्तानले औपचारिक रूपमा टेस्टमा डेब्यु गर्दै छ। भारतले अफगानिस्तानलाई टेस्टका लागि आफैँ अघि बढेर प्रस्ताव गरेको बताएको छ।
अफगानिस्तानले गतवर्ष आयरल्यान्डसँगै टेस्ट राष्ट्रको मान्यता पाएको थियो । टेस्ट राष्ट्रको मान्यता पाएसँगै यी दुवै राष्ट्र आइसिसीको पूर्णकालीन सदस्य बनेका थिए। अफगानिस्तान टिमले एकदिवसीय र टी–२० क्रिकेटमा निरन्तर राम्रो प्रदर्शन गर्दै आएको छ। आइसिसी वरीयतामा अफगानिस्तान टेस्टतर्फ शीर्ष १० टिममा रहेको छ। टी-२० मा नवौँ नम्बरमा अफगानिस्तान रहेको छ। एकदिवसीयमा भने ११औँ नम्बरमा रहेको छ।
२०१८ को आइपिएलपछि भारतका लागि यो पहिलो टेस्ट खेल हुनेछ। पछिल्लो समय अफगानिस्तानको राम्रो लयका कारण आफूहरू प्रभावित भएको बिसिसीआईले जनाएको छ। अफगानिस्तान विरुद्धको टेस्टपछि भारतले दुई खेल टी-२० आयरल्यान्ड र इंगल्यान्डविरुद्ध प्रतिस्पर्धा गर्नेछ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।