नेपाल समाचारपत्र दैनिकमा समाचार छ, करिब तीन महिनासम्म देशको चर्चित प्रमुख खबर बनेको सुनकाण्ड प्रकरणमा नेकपा र कांग्रेसका उच्च नेताको संलग्नता रहेको पाइएपछि प्रतिवेदन गुपचुप पार्न खोजिएको हो। समितिले ३०० सयभन्दा धेरैमाथि थप अनुसन्धान गर्नुपर्ने प्रतिवेदनमा औंल्याएको थियो।

केही चर्चित व्यक्तिसमेत फस्ने भएपछि यसलाई गुपचुप राख्न खोजिएको जानकारहरूको आरोप छ। टोलीले प्रतिवेदन बुझाएसँगै यो प्रकरणलाई विभिन्न बहानामा अन्यत्र मोड्न चलखेल भएको स्रोतको दाबी छ। बारम्बार ठूला माछानजिक पुगेको बताइरहेका गृहमन्त्री रामबहादुर थापा पनि प्रतिवेदन बुझाएपछि मौन नै छन्।

यो काण्डमा केही समय पहिले पक्राउ परेका विमल पोद्दारले छानबिन समितिसमक्ष केही नेताको नाम पोलेपछि यो विषय गुमनाम पार्न खोजिएको स्रोतको दाबी छ।