तर, कैलालीको कैलारी गाउँपालिकाले पुललाई आम्दानीको श्रोत बनाएको छ। स्थानीय जनताले प्रत्येकपटक हिँडेर पुल तर्दा १५ रुपैयाँ र मोटरसाईकल तर्दा ३५ रुपैयाँको टिकट काट्नुपर्छ भन्ने खबर नयाँ पत्रिका दैनिकमा छ।

पुल बनाउन र सञ्चालन गर्न ठेकेदारलाई जिम्मा दिएर गाउँपालिकाले चारवटा काठेपुलबाट वर्षीक १५ लाख रुपैयाँ राजस्व उठाउन थालेको छ। गाउँपालिकाभित्र पर्ने मोहना, निमुवाबोझी, खोनपुर, गोबरैला र मोहनपुर गरी चार घाटमा गाउँपालिकामार्फत काठेपुल बनाइएका छन्।

गाउँपालिका कार्यालयले काठेपुल निर्माण गरेर कर उठाउन ठेकेदार खटाएको छ। गाउँपालिका अध्यक्ष लाजुराम चौधरीले विगतदेखि नै हुँदै आएको ठेक्का गाउँपालिकाले निरन्तरता दिएको हो। जनप्रतिनिधी आएपछि पैसा तिरेर खोला तर्नुपर्ने बाध्यता अन्त्य हुने आश गरेका स्थानीय अहिले शुल्क निर्तुपर्दा खिन्न छन्।