चन्द्रौटा : कपिलवस्तुको बाणगंगा नगरपालिका-७ कोइली खोलाले बगाउँदा एकजनाको मृत्यु भएको छ। दाउरा संकलन गर्ने क्रममा वाणगङ्गा नगरपालिका कपिलधाम...
काठमाडौं : संसदीय सुनुवाइ समितिले प्रस्तावित प्रधानन्यायाधीश चोलेन्द्रशमशेर जबरालाई संसदीय सुनुवाईका लागि बोलाएको छ।
समिति सचिवालय सिँहदरबारमा आइतबार दिउँसो २ बजे बस्ने बैठकमा प्रस्तावित प्रधानन्यायाधीश जबरासँग छलफल गर्ने कार्यसुची रहेको समितिका सभापति लक्ष्मणलाल कर्णले जानकारी दिए। संसदीय सुनुवाइ समिति समक्ष आफूमाथि उठेका प्रश्न को जवाफ दिनेछन्। त्यसपछि सुनुवाइ समितिले उनलाई सर्वोच्चको नेतृत्वमा स्वीकार गर्ने नगर्ने भन्ने निर्णय गर्नेछ। सुनुवाइ समितिले जबरालाई प्रधानन्यायाधीशमा स्वीकार गरे राष्ट्रपतिले शपथ गराएर यहिँ पुस १७ गतेबाट उनले प्रधानन्यायाधीश भएर काम गर्नेछन्।
समितिले यसअघि दुई दिन अघिमात्र जवराविरुद्धका उजुरीकर्तासँग छलफल गरेको थियो। जवराविरुद्ध ९ वटा उजुरी परेका छन्। जबराको इजलासबाट भएका न्यायसम्पादन स्वच्छ र निष्पक्ष नहुने उजुरी पनि परेका छन्। संवैधानिक परिषदको बैठकले मंसिर २७ गते सर्वसम्मत रूपमा जबरालाई प्रधानन्यायाधीशमा सिफारिस गरेको थियो।
वर्तमान प्रधानन्यायाधीश ओमप्रकाश मिश्रले उमेर हदका कारण पुस १७ गते अनिवार्य अवकाश पाउन लागेकोले नयाँ प्रधानन्यायाधीश नियुक्ती गर्नु पर्ने छ। सुनुवाई समितिको सिफारिसमा राष्ट्रपतिले प्रधानन्यायाधीशको नियुक्ती गर्ने व्यवस्था नेपालको संविधानमा रहेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।