कोषले पुरस्कारका लागि  'आफर, नथिया, वसन्त बस्नेतको ‘७२ का विस्मय’, नवीन जिरेलको ‘भीषण दिनहरू’ र गणेश राईको ‘फोकल्यान्ड जर्नल’ मनोनित भएका थिए।

आफर सामुहिक रूपमा लेखिएको कविता कृति सामुहिक हो। समता फाउन्डेसनले प्रकाशन गरेको कृती आफरमा  प्रकाश गुरागाइँ, माधव घिमिरे अटल, बिनाबी, केशरी अमगाईँ,केशव सिलवाल, मुक्तान थेबा, राजु स्याङतान र हरिशरण परियारका प्रतिनिधि ३३ कविताहरु संग्रहित छन्। 

यस्तै, नथिया यस वर्षको चर्चित उपन्यास हो। कविबाट उपन्यासकार बनेकी प्रतिक्षाले नथियामा दाङको पश्चिम-उत्तर क्षेत्रमा अपहेलित रुपमा रहँदै आएका वादी महिलाको कथालाई  प्रस्तुत गरेकी छन्। यसमा ०३६ देखि ०४६ सालसम्मको कथालाई समेटिएको छ ।

पहिचान पुरस्कारको यो चौथो संस्करण हो। पहिचान पुरस्कार कोष २०७२ सालमा स्थापना भएको हो। यसअघि राजन मुकारुङको ‘फेरिँदो सौन्दर्य’, अर्जुन खालिङको ‘गोयङको सुगन्ध’ र यज्ञशको ‘भुइँया’ले यस पुरस्कार पाइसकेका छन्।