कान्तिपुर दैनिकमा समाचार छ, साना कक्षामा बालबालिकालाई पठनपाठन गर्दा मातृभाषाकै माध्यमबाट बुझाउनुपर्ने आयोगको सुझाव छ। मातृभाषमा आधारित शिक्षा कार्यान्वयनका निम्ति विद्यालयलाई तीन प्रकारमा वर्गीकरण गर्नुपर्ने उल्लेख छ। विद्यालय सेवा क्षेत्रमा एकल मातृभाषी समुदायका विद्यार्थी, दुई भाषिक समुदायका विद्यार्थी र दुईभन्दा बढी भाषा प्रयोग हुने समुदायका विद्यार्थी लक्षित छ।

अभिभावकहरू भने आफ्ना छोराछोरीलाई अंग्रेजी शिक्षा पढाउनेतर्फ आकर्षित भइरहेका छन्। आयोगले शैक्षिक गुणस्तरका नाममा अंग्रेजी माध्यमबाट पठनपाठन गर्दा बालबालिकाले घोकेका भरमा अंक पाए पनि सिकाइको आधार खस्किएको औँल्याएको छ। ‘मातृभाषालाई माध्यम भाषका रूपमा छनोट गरी कार्यान्वयनमा लैजानु, द्वैभाषिक र बहुभाषिक शिक्षणका लागि शिक्षक तयार गर्नु चुनौतीपूर्ण छ’, प्रतिवेदनमा छ।