काठमाडौं : वेष्ट इण्डिज ‘ए’ विरुद्ध पाँच खेलको टी–२० श्रृङ्खलाअन्तर्गत नेपालले शनिवार अन्तिम खेल खेल्दैछ। खेल त्रिवि क्रिकेट ...
काठमाडौं : आइसिसी महिला विश्वकप क्रिकेट प्रतियोगिताअन्तर्गत एसिया छनोटमा नेपालले चीनलार्ई पराजित गरेको छ। सोमबार थाइल्यान्डमा भएको खेलमा चीनलाई पराजित गर्दै नेपालले जारी प्रतियोगितामा चौथो जीत दर्ता गरेको हो।
बैंककको डथाई क्रिकेट मैदानमा भएको पाँचौँ खेलमा नेपालले चीनलाई पाँच रनले पराजित गरेको हो। टस हारेर ब्याटिङ गरेको नेपालले निर्धारित २० ओभरमा ९ विकेट गुमाउँदै ७७ रन बनाएको थियो। ७८ रनको विजय लक्ष्य पछ्याउने क्रममा चीनले २० ओभर खेल्दै ६ विकेट गुमाएर ७२ रनमात्र बनायो। चीनका लागि झान मेईले सर्वाधिक ३३ रन तथा सियोन झौले १८ रन जोडिन्।
बलिङतर्फ नेपाललकी सीता राना मगरले तीन तथा कृष्ण कुँवरले १ विकेट लिइन। त्यसअघि ब्याटिङ गर्दै नेपालका लागि काजल श्रेष्ठले सर्वाधिक १८ रन, सीता राना मगरले ११, बिन्दु रावलले १०, इन्दु बर्माले ८, नेरी थापाले अविजित ७ रन तथा सरिता मगरले ६ रन जोडिन।
बलिङतर्फ चीनकी वाङ मेङ र हान लिलीले दुई-दुई विकेट लिए। जीतसँगै नेपाल ८ अंकसहित तेस्रो स्थानमा छ। नेपालले बुधबार कुवेतसँग खेल्नेछ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।