सुर्खेत : कर्णाली प्रदेशका मुख्यमन्त्री यामलाल कँडेलले विश्वासको मत प्राप्त गरेका छन्। आज बसेको प्रदेशसभा बैठकमा मुख्यमन्त्री कँडेलले पेश गरेको...
समिति बैठकमा भक्कानिँदै सांसद गाैतमले भनिन् - मान्छे मार्ने काम बन्द गर
असार ९, २०७६
काठमाडौं : सत्तारूढ नेकपाकी सांसद तीर्था गौतमले मान्छे मार्ने काम बन्द गर्न सरकारसँग आग्रह गरेकी छन्।
संसदीय समितिको राज्य व्यवस्था तथा सुशासन समितिकी सदस्यसमेत रहेकी सांसद गौतमले बैठकमै भक्कानिँदै यसो भनेकी हुन्।
‘आज नेपालीको छोरो मरेको छ, यसरी मार्नु ठीक होइन, संवादबाट समस्या समाधन गर्नुपर्छ', भक्कानिँदै उनले भनिन्, '१० वर्षे 'जनयुद्ध'को घाउ आलै छ, देश पूर्णरूपमा शान्त बनेको छैन।’
गौतमले बेपत्ताहरुको खोजीनिति अझै नभएको बताइन्। ‘सत्यनिरूपण तथा बेपत्ताको छानबिन भएको छैन', उनले भनिन्, 'सानो झिल्कोले ठूलो रूप लिन सक्छ।’
उनले गाेलीबाट हैन संवादबाट निकास दिन आग्रह गरिन्। गौतमका पति यदु गौतमलाई तत्कालीन नेकपा एमालेका रुकुम सचिव तथा प्रतिनिधिसभाका सदस्य रहेकै बेला माओवादी विद्राेहीले २०५५ साल फागुन २१ गते अपहरणपछि हत्या गरेका थिए।
भिडियो
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।