काठमाडौं : म्यानचेस्टर युनाइटेडलाई हराउँदै आर्सनल इंग्लिस प्रिमियर लिगको शीर्षस्थानमा पुनः उक्लिएको छ। युनाइटेडको घरेलु मैदानमा आइतबार राति ...
प्रधानमन्त्री कप महिला क्रिकेट : सुदूरपश्चिम र एपिएफ फाइनलमा
असार १०, २०७६
कञ्चनपुर : कञ्चनपुरको महेन्द्रनगरमा जारी चौँथो प्रधानमन्त्री कप महिला क्रिकेट प्रतियोगितामा सुदूरपश्चिम र एपिएफ फाइनल प्रवेश गरेको छ। मंगलबारको खेलमा सुदूरपश्चिमले प्रदेश नम्बर २ सँग अंक बाँडेर फाईनल प्रवेश गरेको हो भने एपीएफ प्रदेश १ लाई हराउँदै प्रतियोगिताको फाइनल प्रवेश गरेको हो।
मंगलबार हुने भनिएको सुदूरपश्चिम र प्रदेश् नम्बर २ बीचको खेल वर्षाका कारण प्रभावित भएको थियो। वर्षाले खेल अवरुद्ध बनेपछि दुवै टोलीले एक/एक अंक बाँड्न बाध्य भए। सुदूरपश्चिम प्रतियोगितामा समूह ‘ए’ बाट विजेता बन्दै फाइनल प्रवेश गरेको हो। उसको अंक तालिकामा पाँच अंक रहेको छ भने प्रदेश २ को चार अंक रहेको छ।
प्रतियोगितामा सुदूरपश्चिमले दुई खेलमा जित, एक खेलमा अंक बाँडेको छ भने एक खेलमा हार व्योहोरेको छ। त्यस्तै मंगबार हुने तय भएको विभागीय टोली एपिएफ र प्रदेश १ को खेल पनि प्रभावित भएको छ। वर्षा कारण पाँच ओभरमा छोट्याएको खेलमा एपिएफ चार रनले विजयी भएको हो।
प्रतियोगितामा एपिएफले दुई/दुई खेलेमा जित र अंक बाँडेको छ। गत असार ४ गतेबाट महेन्द्रनगरको कबड हलमा सुरु भएको प्रतियोगिताको फाइनल खेल बुधबार बिहान हुने छ भने प्रतियोगिता समापन संघीय सरकारकी खानेपानीमन्त्री बिना मगरले गर्ने कार्यक्रम तय गरिएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।