विराटनगर : मुख्यमन्त्री केदार कार्कीलाई विशेषाधिकार हननमा कारबाही गर्नसक्ने सत्तारुढ दलले चेतावनी दिएको छ। एम...
दाङ : नेपाली कांग्रेसले सरकारले सुशासन प्रवर्द्धन गर्न नसकेको आरोप लगाउँदै तुलसीपुरमा प्रर्दशन गरेको छ। प्रत्येक व्यक्तिलाई प्यान नम्बर लिनुपर्ने व्यवस्था गर्नु, रासायानिक मलको उपलब्धता नहुनु, शान्ति सुरक्षा कायम गर्न नसक्नु, भ्रष्टाचार मौलाउनुले सरकारले सुशासन प्रवर्द्धन गर्न कमजोर भएको कांग्रेसको आरोप छ।
कांग्रेस तुलसीपुर नगरकमिटिको आयोजनमा गरीएको प्रर्दशनले बजारका विभिन्न टोलको परिक्रममा पछि तुलसीपुर उपमहानगरपालिकामा ज्ञापनपत्र बुझाएको छ। उपप्रमुख माया आचार्यलाई विभिन्न मागसहितको १२ बुँदे ज्ञापनपत्र बुझाएको हो। ज्ञापनपत्र बुझाएपछि बिपी चौकमा कोणसभाको आयोजना गरीएको थियो।
कोणसभामा पूर्वसांसद गेहन्द्र गिरीले भ्रष्टाचार नियन्त्रण गर्न, किसानलाई समयमै मल वीउ उपलब्ध गराउन, प्यान नम्वर लिने तत्कालको ब्यबस्था खारेज गर्न, मंहगी नियन्त्रण गर्न र सुशासन प्रवर्द्धन गर्न माग गरे।
त्यसैगरी, नगर प्रमुख घनश्याम पाण्डेलाई नेपाली कांग्रेसले ‘टुरिष्ट’ मेयरको संज्ञा दिएको छ। उपमहानगरको गतिविधिभन्दा धेरै समय विदेश र राजधानी केन्द्रित भएको भन्दै कांग्रेसले यस्तो आरोप लगाएको हो।
नगरप्रमुख पाण्डे भने अहिले पनि भारत भ्रमणमा गरेका छन्। बाबा रामदेवलाई भेट्न दलबलसहित नगरप्रमुख भारत पुग्दा नगरको फजुल खर्च भएको आरोप कांग्रेसको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।