काठमाडौं : प्रमुख प्रतिपक्ष दल नेपाली कांग्रेसले राष्ट्रियसभाको बैठक अवरुद्ध पारेको छ। सरकारले उपप्रधान एवं गृहमन्त्री रवि लामिछानेम...
चीनका राष्ट्रपति सी भारतको चेन्नईबाट काठमाडौं प्रस्थान
असोज २५, २०७६
चीनका राष्ट्रपति भारतको चेन्नइबाट नेपालका लागि प्रस्थान गरेका छन्।
दुई दिने भारतको अनौपचारिक भ्रमणमा रहेका सी जिनपिङ नेपाल भ्रमणका लागि शनिबार दिउँसो प्रस्थान गरेको भारतीय समाचार एजेन्सी एएनआइले लेखेको छ।
सी भारतको चेन्नइस्थित महाबलिपुरममा दुई दिने अनौपचारिक भ्रमणमा थिए। जहाँ उनले भारतका प्रधानमन्त्री नरेन्द्र मोदीसँग अनौपचारिक छलफल गरेका थिए।
भारतको भ्रमण सकेर सी काठमाडौंका लागि प्रस्थान गरेका हुन्। उनी अपराह्न ५ बजे काठमाडौंस्थित अन्तर्राष्ट्रिय विमानस्थल आइपुग्ने कार्यतालिका रहेको छ।
Chennai: Chinese President Xi Jinping departs for Nepal; he was on a 2-day visit to India for the second informal summit with PM Narendra Modi in Mahabalipuram. #TamilNadu pic.twitter.com/0o0cEZ4QAY
— ANI (@ANI) October 12, 2019
राष्ट्रपति सीलाईत्रिभुवन अन्तर्राष्ट्रिय विमानस्थलमा राष्ट्रपति विद्यादेवी भण्डारीले स्वागत गर्ने कार्यक्रम रहेको छ। जहाँ सैनिकको एक टुकडीले सलामी अर्पण गर्नेछ।
सी राजधानीको सोल्टी होटलमा बस्ने कार्यक्रम तय भएको छ। उनले आजै ६: ३० बजे राष्ट्रपति भवन शीतलनिवासमा राष्ट्रपति भण्डारीसँग छलफल गर्ने कार्यक्रम रहेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।