‘पार्टीको बैठक भइरहेको बेला बालुवाटारमा गएर पार्टीको नेतृत्वले कसरी स्म्झौता गर्नुभयो भन्ने कुरा गम्भीर रुपमा उठाइएको छ,’ बैठकपछि जानकारी गराउँदै रावलले भने, ‘सम्झौताबारे स्थायी कमिटीमा जानकारी गराइनुपर्छ। हाम्रा लक्ष्य के हुन्। हामी समाजवादतर्फ जाने भनिरहेका छौँ। राष्ट्रिय स्वाधीनताका कुरा गरिरहेका छौँ।  हिजो गरेका सम्झौताले हाम्रा कुन लक्ष्य, कुन उद्द‍ेश्यपूर्ति गर्छ भन्ने, प्रश्न उठेको छ।’ 

रावलले नेकपा पार्टी ठूलो भएको भन्दै विभिन्न विषयहरू अबलम्बन नगरे पार्टी चलायन नसक्ने पनि बताए । ‘यत्रो ठुलो पार्टी चलाउन विविध मुलभूत विषयहरू अबलम्बन गरेनौँ भने चलाउन सक्दैनौँ,’ उनले भने।  

त्यस्तै, बिहीबारको बैठकको बारेमा जानकारी गराउँदै नेकपाका प्रवत्ता नारायणकाजी श्रेष्ठले अध्यक्षको प्रतिवेदनमाथि छलफल जारी रहेको बताए।

‘आज पनि स्थायी कमिटीको बैठकमा सदस्यहरूले राजनीतिक प्रतिवेदन र विधान संसोधन प्रस्तावमा १० जना नेताहरुले धारणा राख्नुभयो,’ नारायणकाजी श्रेष्ठले भने, ‘महासचिवले आफ्नो विचार राख्न बाँकी छ।

बैठकमा उठेका प्रश्नहरूको जवाफ दिन, सुझावहरू सुधारेर ल्याउन अध्यक्षहरूलाई भोलिको दिन समय दिइएको छ।’ नेकपा स्थायी कमिटीको बैठक अब शनिबार मात्रै चल्नेछ। प्रवत्ता श्रेष्ठले राजपासँगको सम्झौता राष्ट्रियसभाका सदस्यहरूका लागि मात्रै भएको पनि प्रष्ट्याए।