काबुल : अफगानिस्तानको उत्तरी प्रान्त बघलानमा अचानक आएको बाढीबाट तीन सयभन्दा धेरै मानिसको मृत्यु भएको राष्ट्रसंघले जनाएको छ। अफगानिस्तानमा ...
अमेरिकी विमान निर्माता कम्पनी बोइङले प्रमुख कार्यकारी प्रमुख डेनिस मलेनबर्गलाई पदबाट बर्खास्त गरेको छ।
निरन्तरको जहाज दुर्घटनाका कारण अहिले बोइङ कम्पनीद्वारा उत्पादित ७३७ म्याक्स सिरिजका अधिकांश जहाज ग्राउन्डेड छन्। कम्पनीप्रतिको विश्वास टुट्दै गएपछि कार्यकारी अधिकृत मिलेनबर्गलाई हटाउनु परेको बोइङले स्पष्टोक्ति दिएको छ।
अध्यक्ष डेभिड कोलहोनले नै आगामी १३ जनवरीदेखि कम्पनीको प्रमुख कार्यकारी प्रमुखको पद सम्हाल्ने तय भएको छ। बोइङले जारी गरेको विज्ञप्तीमा ‘कम्पनीले गुमाएको विश्वसनीयता पुनः स्थापित गर्न जरुरी देखिएकाले नेतृत्वमा परिवर्तन गर्न लागिएको’ जनाइएको छ।
गत मार्च महिना र त्यसअघि भएका दुईवटा बोइङ ७३७ म्याक्स जहाज दुर्घटनाका कारण कम्पनीले आफ्ना कार्यकारी प्रमुखलाई हटाएको अनुमान छ । यी दुई ठूला दुर्घटनापछि अमेरिकी जहाज निर्माता कम्पनी बोइङमाथि दबाब बढेको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।