अनुदानको चामल पाउन नेताको चिट लिनुपर्ने भएपछि खार्पुनाथमा चामल राजनीति चुलिँदै जान थालेको हो। यो बर्ष खाद्य संस्थानका खार्पुनाथ बिक्री केन्द्रमा पाँच सय क्विन्टल चालमको कोटा छ। ठेकेदारले केन्द्रमा दुई सय ७९ क्विन्टल झारिसकेका छन्। बाँकी चामल बाटोमै छ।

कोटाअनुसार चामल आइनपुग्दै विगतमा जस्तै अहिले पनि स्थानीय नेताले चामल राजनीति थालेका छन्। केन्द्रमा आएको चामल प्रमुख जिल्ला अधिकारीले जारी गर्ने कुपन र नेताको चिटका आधारमा बाँडिन्छ।

नेकपाका नेताका कारण चामल वितरणमा राजनीति भइरहेको खार्पुनाथ गाउँपालिकाका अध्यक्ष कर्णबहादुर रावलले आरोप लगाएका छन्। नेकपा सांसद र मन्त्रीले चिटका आधारमा चामल बाँड्न थालेपछि कांग्रेस सांसदले पनि चिट बाँड्न थालेको स्रोत बताउँछ। यो खबर नागरिक दैनिकमा छापिएको छ।