आईसीसीले गत वर्षको अगस्टमा भएको एशेज सीरीजबाट विश्व टेस्ट च्याम्पियनसिपको सुरुवात गरेको थियो। जसको फाइनल जुन २०२१ मा लर्डस मैदानमा गर्ने गरी आईसीसीले तयारी गरेको थियो। तर यो बीचमा कोरोनाका कारण टेस्ट च्याम्पियनसिप स्थगित भएपछि तोकिएको समयमा प्रतियोगिता सम्पन्न नहुने भएको छ। जसका कारण आईसीसीमाथी नयाँ कार्यतालिका बनाउने दबाब परेको छ।

आईसीसीले आधिकारीक रुपमा कुनै धारणा सार्वजानिक नगरेपनि कोरोना महामारीको अन्त्य नभई कुनैपनि प्रतियोगिताबारे तत्काल निर्णय नहुने जनाएको छ। यद्यपी आईसीसीले अहिलेनै कुनै निर्णय नगरेपनि टी–२० विवकप संभावना कमजोर हुँदै गएको छ।

यस्तै अस्ट्रेलियामा आयोजना हुने तय भएको टी–२० विश्वकपमा कोरोना प्रभावसँगै त्यसपछिको आर्थिक संकट खतराका रुपमा अघि आउने आयोजक अस्ट्रेलियाले जनाएको छ।

अस्ट्रेलियाले आगामी संकटसँग जुध्न भन्दै आफ्ना सबै स्टाफहरुको ८० प्रतिशत तलब कटौती गर्ने निर्णय गरेको छ। यो निर्णयसँगै टी–२० विश्वकपमा आर्थिक संकटकै कारण प्रतियोगिता आयोजनाको संभावना कमजोर हुने आसंका गरिएको हो। अन्तराष्ट्रिय न्युज एजेन्सीकाअनुसार आगामी वर्ष अन्तर्राष्ट्रिय क्रिकेटबाट हुने कमाईमा ५० प्रतिशत कमी आउने संभावना भएकाले अहिलेबाटनै त्यसको तयारी स्वरुप स्टाफको तलब ठुलो मात्रामा कटौती गरिएको हो।

अस्ट्रेलियन क्रिकेट बोर्डले भने समयमानै विश्वकप आयोजना हुने आशा कायम रहेको जनाएको छ। क्रिकेट अस्ट्रेलियाले एक विज्ञप्ती जारी गर्दे भनेको छ ‘आइसोलेसनको समयमा क्रिकेटसँग जोडिएका कुनैपनि गतिविधि हुन सकेको छैन्। जसले गर्दा हामीले २७ अप्रिलसम्मको तलब कटौतीको निर्णय लिएका हौं।’ अस्टे«लिया स्टाफको तलब कटौती गर्ने पहिलो देश समेत बनेको छ।