सरकारले आगामी वर्षका लागि १० खर्ब ४८ अर्ब रुपैयाँको बजेट सार्वजनिक गरेको छ। अहिले शून्य दशमलब ७७ प्रतिशत रहेको आर्थिक वृद्धिदरलाई साढे ६ प्रतिशत बनाउने र दोहोरो अंकमा रहेको महँगी अर्थात मुद्रा स्फिर्ति ७ दशमलब ५ प्रतिशतमा सीमित राख्ने महत्वकांक्षा सहित बजेट आएको छ। सबैलाई खुसी पार्ने गरी ल्याइएको बजेटले महँगी ह्वात्तै बढाउने विश्लेषण गरिएको छ। बजेट आएलगत्तै सत्तारुढ दलहरुभित्र असन्तुष्टि देखिएको छ भने प्रमुख प्रतिपक्षी दल नेपाली कांग्रेसले पनि बजेट वित्तीय अनुशासनभन्दा बाहिर गएर ल्याइएको आरोप लगाइएको छ। अर्थविद्हरुको नजरमा बजेट कस्तो छ त? कत्तिको कार्यान्वयनमुखी छ त बजेट? थाहा सञ्चार नेटवर्कका नरेन्द्र सापकोटाले अर्थतन्त्रका जानकार तथा राष्ट्रिय योजना आयोगका उपाध्यक्ष गोविन्द पोखरेललाई सोधेका छन्।