काठमाडौं : काठमाडौं उपत्यकामा थप गरिएको निषेधाज्ञा आजदेखि लागू भएको छ। आजदेखि असार ७ गतेसम्म थप गरिएको निषेधाज्ञालाई यसअघिको भन्दा केही खुकुलो बनाइएको छ।
आइतबार काठमाडौं उपत्यकाका तीन जिल्लाका प्रमुख जिल्लाहरूको बैठकले सर्वसाधारणहरूका लागि निषेधाज्ञा केही खुकुलो बनाएका हुन्। आजदेखि खाद्यान्न फलफूल र पुस्तक पसल खोल्ने समय थपिएको छ। आजदेखि विहान ११ बजेसम्म यी पसल खोल्न दिने निर्णय भएको।
यस्तै अपरान्ह ४ बजेदेखि हार्डवेयर पसल खोल्न पाइने भएको छ। सवारी साधन बनाउने ग्यारेज भने राति ९ बजेसम्म खोल्न दिने निर्णय भएको छ। होटल तथा रेष्टुरेण्टबाट ७ बजेदेखि होम डेलिभरी गर्न पाइने व्यवस्था गरिएको छ। बैठकले अत्यावश्यक उपभोग्य वस्तु वा सेवा खरिद गर्न घरबाट बाहिर निस्कन सक्ने निर्णय गरेको छ।
घर बाहिर निस्कँदा कम्तीमा २ मिटरको भौतिक दूरी कायम राख्नु पर्ने निर्णय गरेको छ। त्यस्तै अब सहकारी संस्था तथा रेमिटहरू आइतबार र बिहीबार मात्र खुल्ने भएको छ।
त्यस्तै विवाह तथा व्रतबन्धको हकमा बढीमा ७ जनासम्म सहभागी हुन पाइनेछ। विवाह आफ्नो घर वा बसेको स्थानमा गर्न पाइनेछ। विवाह तथा व्रतबन्धको हकमा एउटा सवारी साधन (बेहुला र बेहुलीसहित) ब्यानरका आधारमा आवतजावत गर्न पाइनेछ।
उपत्यकामा पहिलो चरणको निषेधाज्ञा वैशाख १६ गतेदेखि लागू भएको थियो। संक्रमण दर नघटेपछि बैशाख २२ गते पुनः निषेधाज्ञा थप गरी २९ गतेसम्म र २९ गतेदेखि पुन थप गरी जेठ १३ गते राति १२ बजेसम्म र त्यसपछि २० गतेबाट जेठ ३१ सम्म थपिएको थियो।
तपाईंको ईमेल गोप्य राखिनेछ ।