इण्डियन प्रिमियर लिग (आईपीएल)मा मार्कस् स्टोइनिसको शतकसँगै लखनउ सुपर जायन्ट्सले चेन्नई सुपर किंग्सलाई ६ विकेटले पराजित गरेको छ। गएरा...
दीपेन्द्रको शानदार प्रदर्शनको बलमा भारतसामु १८६ रनको चुनौती पेस
कात्तिक २६, २०७४
काठमाडौं : एसीसी यु–१९ युथ एसिया कप क्रिकेट प्रतियोगितामा नेपालले भारतसामु १८६ रनको मध्यम चुनौती पेस गरेको छ। मलेसियामा टस हारेर पहिले ब्याटिङ गरेको नेपालले निर्धारित ५० ओभरमा ८ विकेट गुमाएर १८५ रन जोड्यो।
नेपालको पारीमा दीपेन्द्रसिंह ऐरीले सर्वाधिक ८८ रनको योगदान गरे। १०१ बल खेल्दै २ छक्का र ६ चौका प्रहार गरेका ऐरीले नेपाललाई बलियो टोलीविरुद्ध मध्यम स्कोरसम्म डोहोर्याए। दीपेन्द्रका अलावा ओपनर जितेन्द्र सिंहले ३६ र भीम सार्कीले १५ रन जोड्नुबाहेक अन्यले दोहोरो अंकमा रन बनाउन सकेनन्।
भारतका लागि आदित्य थाकरे र अभिषेक शर्माले समान २/२ विकेट लिए। बाँकी ४ विकेट अन्य ४ बलरले बाँडे। टेस्ट मान्यताप्राप्त टोली भारतको युवा टिम प्रतियोगिताकै सशक्त टिम हो। आफ्नो पहिलो खेलमा नेपाल बंगलादेशसँग पराजित भएको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।