महोत्सवमा स्वेदशी २३ र विदेशी २० गरी ४३ चलचित्र प्रदर्शन गरिने छ। हिमाली क्षेत्र आसपासका संस्कृति, आदिवासी जनजातिको जनजीवन, परम्परा, खेलकुद, जैविक विविधता र पर्यावरणको संवर्धन तथा प्रवर्धनका लागि जनचेतना जगाउने महोत्सवको मुख्य उद्देश्य छ। 

नेपाली चलचित्र ‘तुइन’को पहिलो प्रदर्शनबाट सुरु हुने महोत्सवमा सुदूरपश्चिमको कथाव्यथासमेटेर तयार पारिएको ‘जालगेडी’, सञ्चारकर्मी संजोग बस्यालद्वारा निर्मित ‘कृष्ण’, ‘डडेलोको सतीसाल’, ‘नेपाली चलचित्रमा जनजातिको चित्रण’लगायत चलचित्र प्रदर्शन गरिने सोसाइटीका महासचिव विष्णु गौतमले बताए।