छोरा प्रकाश चन्द चितवन मेडिकल कलेजमा डाक्टर पढिरहेका छन्। केही महिनाअघि प्रहरीले विप्लवको गाउँ कपिलवस्तुको शिवगढीमा सर्च अप्रेशन चलाएर केही आधुनिक हतियार बरामद भएको दाबी गरेको थियो । 

सुरक्षाकर्मीसहित देशकै ध्यान खिच्न सफल विप्लवको त्यही गाउँमा शनिबार र आइतवार  सहिद स्मृति प्रतिष्ठान कपिलवस्तुको आयोजनामा  स्वास्थ्य शिविर चलाइयो ।

उक्त स्वास्थ्य शिविरको नेतृत्व गरेका थिए विप्लवका उनै छोरा एवम् जनस्वास्थ्यकर्मी महासंघका महासचिव प्रकाश चन्दले गरेका थिए । शिवगढी नगरपालिका-३ भगवानपुरस्थित नेपाल राष्ट्रिय आधारभूत विद्यालय प्राङ्गणमा स्वास्थ्य शिविर चलाइएको हो । 

दुई दिनसम्म सञ्चालित स्वास्थ शिविरमा हाडजोर्नी, गाइनो, नाक, कान तथा घाँटी, छाला तथा यौनरोग, बालरोगसहितको प्राथमिक उपचार तथा स्वास्थ्य जाँचत गरियो । स्वास्थ्य शिविरमै  प्रयोगशाला सेवा पनि थियो। 

प्रकाशको नेतृत्वमा सञ्चालित शिविरको पहिलो दिनमै १५ सय स्थानीयको स्वास्थ्य जाँच र उपचार गरियो । दोस्रो तथा अन्तिम दिन १२ सय विरामीले शिविरमा उपचार गराए। 

विप्लवका परिवार ? 

नेकपानिकट पत्रकार प्रकाश डुम्रेका अनुसार कपिलवस्तुको शिवगढीमा अहिले पनि विप्लवको घर छ। जहाँ उनका आमासहित परिवारका अन्य सदस्य बस्छन्। विप्लवका तीनै दाजुभाइ राजनीतिमा छन् ।

जेठा दाजु चन्द्रबहादुर चन्द 'वीरजङ्ग' नेकपाकै पोलिट्ब्युरो सदस्य हुन्। माहिला दाजु जयन्द्र चन्द्र पार्टीसम्बद्ध खेलकुद महासंघका अध्यक्ष छन् ।