मनोरञ्जन

अष्ट्रेलियाले इङ्ल्याण्डलाई हरायो

असोज १, २०७७

    काठमाडौं : ग्लेन म्याक्सवेल र अलेक्स क्यारीको उत्कृष्ट साझेदारीमा इङ्ल्याण्डसँगको तीन एक दिवसीय क्रिकेटमा अस्ट्रेलिया विजयी भएको छ। 

    वल्ड ट्राफोडमा गएराति सम्पन्न खेलमा पाहुना टोली अस्ट्रेलियाले इङ्ल्याण्डलाई ३ विकेटले पराजित गरेको हो। योसँगै अस्ट्रेलियाले सिरिजमा २–१ अंकको जित निकालेको छ। 

    इङ्ल्याण्डले दिएको ३ सय ३ रनको लक्ष्य अस्ट्रेलियाले अन्तिम ओभरमा २ बल बाँकी छँदा ७ विकेट गुमाएर पुरा गरेको थियो। अस्ट्रेलियाको जितमा एलेक्स क्यारी र ग्लेन म्याक्सवेल दुबै जनाले शतकीय पाली खेले। म्याक्सवेलले ९० बलमा १०८ तथा क्यारीले ११४ बलमा १०६ रन बनाए। क्यारीको पहिलो एक दिवसीय शतक पनि हो। ७३ रन बनाउँदा ५ विकेट गुमाएको अस्ट्रेलियालाई क्यारी र म्याक्सवेलले २१२ रनको साझेदारी गर्दै जित दिलाउन मद्दत गरेका थिए। इङ्ल्याण्डका जोय रुट र क्रिस वार्कसले समान २–२ विकेट लिए। 

    टस जितेर पहिला ब्याटिङ गरेको इङ्ल्याण्डले निर्धारित ५० ओभरमा ७ विकेट गुमाएर ३ सय २ रन बनाएको थियो। इङ्ल्याण्डका ओपनर जोनी बेयरस्टोले शतकीय पारी खेलेका थिए। उनले १ सय १२ रन बनाए। अस्ट्रेलियाका मिचेल स्टार्स र एडम जाम्पाले ३–३ विकेट लिए।
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]