धादिङ : बेनीघाटरोराङ गाउँपालिका–७ चरौँदीस्थित पृथ्वीराजमार्गमा रोकिराखेको ट्रकमा माइक्रो बस ठोक्किँदा दुईजनाको मृत्यु भएको छ।
इलाका प्रहरी कार्यालय गजुरीका प्रहरी नायब उपरीक्षक युवराज खड्काका अनुसार नवलपरासीबाट काठमाडौँका लागि छ्ुटेको बा ३ ख ८४ नम्बरको माइक्रोबस शनिबार बिहान करिब साढे ६ बजे सडकमा रोकिराखेको ना ६ ख ४६० नम्बरको मालबाहक ट्रकको पछाडि ठक्किएको थियो।
प्रहरी नायब उपरीक्षक खड्काले दिएको जानकारी अनुसार मृत्यु हुनेमा नवलपरासीको देउचुली–१६ की ५० वर्षीया हिरामाया गुरुङ र सोही ठाँउकी करिब ६५ वर्षीया कृष्णकुमारी केसी रहेका छन्। दुर्घटनामा ६ जना घाइते भएका छन्। घाइतेमध्ये तीनजनालाई चितवन रिफर गरिएको छ भने दुई जनाको राजमार्ग सामुदायिक अस्पताल मलेखुमा उपचार भइरहेको छ। अर्का एक जना घाइते सामान्य उपचार पश्चात डिस्चार्ज भएको प्रहरीले जनाएको छ।
तपाईंको ईमेल गोप्य राखिनेछ ।