खाली छु म धरोधर्म तिमी आई भर मलाई
पिरतीमा डुबाएर मनखुसी गर मलाई।
हुन्थेँ कति भाग्यमानी पाएदेखि दिलमा बस्न
बगैँचाको फूल हुँ म तयार छु मन्दिर पस्न
आँखाभरी टाँसेर ओठभरी छर मलाई
पिरतीमा डुबाएर मनखुसी गर मलाई।
औँलाभित्र छिरेपछि औँठी सुन्दर देखिने हो
प्रेम गरेपछि मात्रै प्रेम-कथा लेखिने हो
तिम्रो काखमै निदाउँला चाहिँदैन घर मलाई
पिरतीमा डुबाएर मनखुसी गर मलाई।
तपाईंको ईमेल गोप्य राखिनेछ ।