मुगु : जिल्लाको पश्चिम खत्याड गाउँपालिकाको अध्यक्ष पदमा नेकपा माओवादी केन्द्रका उम्मेदवार विजयी भएका छन्। उपाध्यक्षमा नेपाली कांग्रेसले जितेको छ।
अध्यक्षमा नेकपा माओवादी केन्द्रका अज बहादुर शाहीले ३ हजार ५ सय २१ मत प्राप्त गरी विजयी भएका छन्। उनी ९०० को मतान्तरले विजयी भएका हुन्। उनका प्रतिद्वन्द्वी एमालेका लाल बहादुर मल्लले २ हजार ६ सय २१ मत प्राप्त गरेका थिए।
उपाध्यक्षमा काङ्ग्रेसकी सरिता रोकायाले ४ हजार ५ सय ४८ मत प्राप्त गरी विजयी भएकी छन्। उनी २०४९ को भारी मतान्तरले विजयी भएकी छिन्। उनकी प्रतिद्वन्द्वी नेकपा एमालेकी कविता गिरीले २ हजार ४ सय ९९ मत प्राप्त गरेकी छन्।
११ वडा रहेको यस गाउँपालिकामा एमालेले ३ वडा र काङ्ग्रेसले ३ वडामा र माओवादीले ५ वडामा जित हात पारेको छ।
यस गाउँपालिकामा काङ्ग्रेस र माओवादीले गठबन्धन गरेको थियो भने एमाले र समाजवादीले छुट्टाछुट्टै चुनावी प्रतिस्पर्धामा थिए।
०७४ को स्थानीय तहको निर्वाचनमा एमालेले गाउँपालिका अध्यक्ष, उपाध्यक्ष सहित ४ वटा वडामा जितेको थियो। यो पटक भने ३ वटा वडामै सीमित रहेको छ।
तपाईंको ईमेल गोप्य राखिनेछ ।