सल्यान ढोरचौर गाउँपालिका अध्यक्ष र उपाध्यक्षमा एमालेको जित
सल्यान ढोरचौर गाउँपालिका अध्यक्ष र उपाध्यक्षमा एमालेको जित
सल्यान : सल्यानको ढोरचौर गाउँपालिकामा नेकपा एमालेले जित हात पारेको छ। निकटतम प्रतिद्वन्द्वी माओवादी केन्द्रका उम्मेदवार नरवीर चलाउनेलाई ३ सय ८७ मतले पराजित गर्दै एमालेका चित्रबहादुर चलाउने गाउँपालिकाको अध्यक्ष बनेका हुन्। उनले १ हजार ९ सय २५ मत प्राप्त गरेका थिए भने माओवादी केन्द्रका नरवीर चलाउनेले १ हजार ५ सय ३८ मत प्राप्त गरेका थिए।
यस्तै, उपाध्यक्षमा एमालेकै पुष्पा बोहराले माओवादी केन्द्रकी भूमि बुढाथोकीलाई पराजित गर्दै उपाध्यक्षमा जितेकी छन्। उनले १ हजार ९ सय ४६ मत प्राप्त गरिन् भने प्रतिद्वन्द्वी बुढाथोकील १ हजार ५ सय ९९ मत प्राप्त गरिन्। ५ वटा वडा रहेको ढोरचौर गाउँपालिकामा वडा नम्बर १ र २ माओवादी केन्द्रका उम्मेदवारहरु विजयी भएका थिए। ढोरचौर गाउँपालिका ४ को वडा अध्यक्ष भने बराबर मत भएपछि गोलाप्रथाबाट चयन गरिएको छ।
नेपाली कांग्रेसका दिनेश विएम र नेकपा एमालेका देवेन्द्र रोका दुवैले बराबर मत ३ सय २१ प्राप्त गरेपछि गोलाप्रथाबाट कांग्रेसका दिनेश बिएमलाई विजयी बनाइएको छ। अध्यक्षबाहेक सवै वडाहरुमा एमालेका उम्मेदवारहरु विजयी भएका थिए। ९ स्थानीय तहमध्ये बाँकी ७ वडामा तीनमा माओवादी केन्द्र दुईमा एमाले, एकमा नेपाली कांग्रेस र एकमा राप्रपाले अग्रता कायम गरेको छ।
जिल्लाभरि ३५ वडाको नतिजा सार्वजनिक, जसमा माओवादी १५ एमाले १२ र कांग्रेसको ८ वडामा जित
माआवादी केन्द्रले जितेका वडाहरु
१ कपुरकोट गाउँपालिकाको वडा नम्बर १ मा बालाराम खड्काको नेतृत्वमा पूरै टिम,
२ ढोरचौर गाउँपालिका १ मा रामबहादुर बस्नेतको नेतृत्वमा पूरै टिम,
३ ढोरचौर गाउँपालिका २ मा रुद्र बहादुर बुढाथोकीको नेतृत्वमा पूरै टिम,
४ दार्मा गाउँपालिका ५ मा दुर्गा मल्लको नेतृत्वमा पूरै टिम
५ दार्मा गाउँपालिका ६ मा रामबहादुर केसीको नेतृत्वमा पूरै प्यानल विजयी
६ बागचौर नपा ११ मा मोहन खड्काको पूरै टिम
७ बागचौर नपा १२ मा दीपक वलीको पूरै टिम
८ छत्रेश्वरी गापा २ बाट प्रेम खड्काको पूरै टिम
९ कपुरकोट गाउँपालिका २ मान बहादुर रानाको पूरै टिम
१० रामपुर गाउँपालिका ६ मा टेकबहादुर पुलामीसहित पूरै टिम
११ दार्मा गाउँपालिका ४ मा चन्द्रबहादुर रावतसहित पूरै टिम
१२ दार्मा गाउँपालिका ३ मा शक्तिबहादुर रोकायसहित पूरै टिम
१३ वनगाड कुपिण्डे २ मा प्रतिमल रोकासहित पूरै टिम
१४ बागचौर नगरपालिका १० मा कृष्ण खड्कासहित पूरै टिम
१५ दार्मा गाउँपालिका २ मा डिल्ली केसीसहित पूरै टिम
नेकपा एमालेले जितेका वडाहरु
१ शारदा नगरपालिका १ बाट एमालेका नवराज बुढाथोकी वडा अध्यक्षसहित पूरै प्यानल विजयी
२ शारदा नगरपालिका २ बाट केशव सिंह श्रेष्ठको टिम
३ शारदा नगरपालिका ३ बाट टोपबहादुर थापा
४ त्रिवेणी १ मा छवि केसीको पूरै टिम
५ ढोरचौर गाउँपालिका ३ मा शालीकराम बुढाथोकीको पूरै प्यानल
६ बनगाड कुपिण्डे नगरपालिका १२ मा गोविन्द डांगीको पूरै टिम
७ बागचौर नपा २ मा घनश्याम शर्माको पूरै टिम विजयी
८ दार्मा गापा १ मा कविकुमार चन्दसहित पूरै प्यानल
९ छत्रेश्वरी गाउँपालिका ३ मा राज बहादुर बुढाथोकीसहित पूरै प्यानल
१० ढोरचौर गाउँपालिका ५ मा नन्दलाल बोहरासहित पूरै प्यानल
११ कालिमाटी गाउँपालिका ५ मा चन्द्रबहादुर गाहासहित पूरै टिम
१२ कुपिण्डे बनगाड नगरपालिका १ मा शान्त कुमार यरीसहित पूरै प्यानल
नेपाली कांग्रेसले जितेका वडाहरु
१ वागचौर नगरपालिका १ मा नेत्रप्रसाद डाँगीसहित पूरै प्यानलमा विजय
२ छत्रेश्वरी गाउँपालिका १ मा नेव बहादर शाहसहित पूरै प्यानल विजय
३ कालीमाटी गाउँपालिका ७ मा नयन सिहं रानाको पूरै प्यानल विजयी
४ त्रिवेणी गाउँपालिका २ मा मेघराज खड्का सहित पूरै टिम
५ शारदा नपा ४ मा सुदन विष्ट विजयी अन्य सबै सदस्य एमाले
६ कपुरकोट गाउँपालिका ३ मा मीनबहादुर सेन सहित पूरै प्यानल
७ शारदा नपा ५ मा प्रदीप शाहीसहित पूरै टिम
८ ढोरचौर गाउँपालिका ४ दिनेश विएम (गोलाप्रथाबाट)
तपाईंको ईमेल गोप्य राखिनेछ ।