१ लाख भुरा स्यार्पु तालमा छाडियो
१ लाख भुरा स्यार्पु तालमा छाडियो
रुकुम : रुकुममा एक कर्षि सहकारीले व्यवसायिक माछापालन सुरु गरेको छ। माछापालनका लागि प्रसिद्ध स्यार्पु तालमा १ लाख बढी माछाका भुरा छोडिएको छ। बाफिकोट गाउँपालिका वडा नम्बर ३ मा पर्ने स्यार्पु तालमा व्यावसायिक माछा पालनका लागि बाँफिकोटस्थित कृषि सहकारी संस्थाले माछाका भुरा छोडेको हो।
संस्थाले १ लाख ७ हजार माछाका भुरा तालमा छाडिएको छ। जिल्ला कृषि विकास कार्यालयको १ लाख ५० हजार सहयोगमा भैरहवाबाट कमन कार्प र ग्राफ कार्प जातका माछाका भुराहरु ल्याइएका हुन्।
संस्थाका अध्यक्ष चन्द्रबहादुर केसीका अनुसार स्यार्पुतालमा ५ वर्षदेखि माछा पालन भइरहेको छ र त्यसकै निरन्तरतास्वरुप यस वर्ष पनि माछाका भुराहरु छोडिएको हो। उनका अनुसार गत वर्षको तुलनामा यो वर्ष २ हजार बढी माछाका भुरा तालमा छाडिएको हो।
तपाईंको ईमेल गोप्य राखिनेछ ।