रुपन्देही चुनाव बहिष्कार गरेको राष्ट्रिय जनता पार्टीका नेताहरुले रुपन्देहीमा स्वतन्त्र रुपमा उम्मेदवारी दर्ता गराएका छन्। रुपन्देहीका सम्मरीमाई, मर्चवारीमाई र कोटहीमाईमा राजपाका नेताहरुले स्वतन्त्र रुपमा उम्मेदवारी दर्ता गराएका हुन्।
राजपाका नेता सर्वेन्द्रनाथ शुक्लको निर्वाचन क्षेत्र नम्बर ६ का गाउँपालिकाका १ सय ११ पदमा स्वतन्त्र उम्मेदवारी दर्ता गराएका छन्। सम्मरीमाई गाउँपालिकाको अध्यक्षमा अशोक कुमार शुक्ल, उपाध्यक्षमा कमालुद्दिन शेख स्वतन्त्र उम्मेदवार बनेका छन्। यस्तै कोटहीमाई गाउँपालिकाको अध्यक्षमा बालकिशुन तिवारी र
उपाध्यक्षमा असर्फी यादवले उम्मेदवारी दर्ता गराएका छन् भने मर्चवारी गाउँपालिकाको अध्यक्षमा राजकुमार सिंह र उपाध्यक्षमा जानकीप्रसाद चौधरीले उम्मेदवारी दिएका छन्। स्थानीय तहको निर्वाचन बहिष्कारस्वरुप शीर्ष नेताको उपस्थितिमा रुपन्देहीको भैरहवामा हिजो विरोधसभा गरेको राजपाले आज स्वतन्त्र रुपमा उम्मेदवारी दिएको हो।
तपाईंको ईमेल गोप्य राखिनेछ ।