कास्की : समाजवादी मोर्चाले गण्डकी प्रदेशका ११ वटै जिल्लामा सन्देश सभा गर्ने भएको छ। सोमबार मोर्चाको गण्डकी प्रदेश संयोजन समितिको पोखरामा बसेको बैठकले मोर्चामा रहेका चार दलका दुई–दुई जनाको प्रतिनिधित्व हुने गरी असोज महिनाभित्रमा जिल्ला संयोजन समिति गठन गरी सन्देशसभा गर्ने निर्णय गरेको हो।
समाजवादी मोर्चामा सत्तारुढ नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र नेपाल कम्युनिष्ट पार्टी छन्। जिल्लास्तरीय सन्देशसभाको व्यवस्थापनका लागि गोरखा, स्याङ्जा, म्याग्दी र मनाङको जिम्मेवारी माओवादी केन्द्रलाई दिइएको छ।
यसैगरी कास्की, मुस्ताङ र पर्वत एकीकृत समावादी, नवलपुर र लमजुङ जनता समाजवादी पार्टी तथा बागलुङ र तनहुँ जिल्लाको सन्देशसभा व्यवस्थापनको जिम्मेवारी नेपाल कम्युनिष्ट पार्टीलाई तोकिएको छ।
मोर्चाका प्रदेश संयोजक एवं माओवादी केन्द्र गण्डकी प्रदेशका अध्यक्ष गायत्री गुरुङका अनुसार बैठकमा मोर्चाका शीर्ष नेताहरूको उपस्थितिमा गत भदौ १५ गते पोखरामा आयोजना गरिएको प्रदेशस्तरीय सभाको समीक्षालगायतका विषयमा छलफल गरिएको छ।
तपाईंको ईमेल गोप्य राखिनेछ ।