१० मध्ये ५ तहमा कांग्रेस विजयी
१० मध्ये ५ तहमा कांग्रेस विजयी
कालिकोट : स्थानीय तहको निर्वाचनमा अछाममा मिश्रित परिणाम आएको छ। २०७० सालमा भएको संविधान सभा निर्वाचनमा अछामका दुबै निर्वाचन क्षेत्र एमालेले जितेको भए पनि स्थानीय तहको निर्वाचनमा भने ऊ खुम्चिएको छ। कतिपय स्थानीय तहमा माओवादी केन्द्रसँग चुनावी तालमेल गरेको कांग्रेस फाइदामा गएको छ।
चार नगरपालिकासहित १० वटा स्थानीय तह रहेको अछाममा नेपाली कांग्रेसले दुई नगरपालिकासहित ५ तह जितेको छ। नेकपा एमालेले दुई नगरपालिकामा प्रमुख र एउटा गाउँपालिकामा अध्यक्ष जितेको छ भने नेकपा माओवादी केन्द्रले दुई गाउँपालिकामा अध्यक्ष जितेको छ।
स्थानीय तहका मुख्य दुई पद (प्रमुख/अध्यक्ष र उपप्रमुख/उपाध्यक्ष) मा विजयी २० जनप्रतिनिधिमध्ये ११ जना कांग्रेसबाट, ५ जना एमालेबाट र ४ जना माओवादी केन्द्रबाट छन्।
अछामको मंगलसेन नगरपालिकासहित दुई गाउँपालिकामा कांग्रेस र माओवादीबीच चुनावी तालमेल भएको थियो। तर मंगलसेनमा कांग्रेस माओवादी केन्द्र गठबन्धनलाई एमालेले असफल बनाइदिएको छ। उता मल्लेख गाउँपालिका र बान्नीगढी जयगढगाउँपालिकामा भने कांग्रेस माओवादी केन्द्र गठबन्धनका उम्मेदवार विजयी भएका छन्।
नगरपालिकाको मतपरिणाम
साँफेबगर नगरपालिकाका नवनिर्वाचित प्रमुख र उपप्रमुख।
जिल्लाका ४ नगरपालिकामध्ये २ वटामा कांग्रेसले प्रमुख र उपप्रमुख जितेको छ भने २ वटामा एमालेले प्रमुख उपप्रमुख जितेको छ।
कमलाबजार नगरपालिका प्रमुख र उपप्रमुखमा क्रमशः कांग्रेस उम्मेदवार ओमप्रकाश विष्ट र भूमि ढकाल बजगाई निर्वाचित भए।
पञ्चदेवल विनायक नगरपालिकाको प्रमुख र उपप्रमुखमा कांग्रेसका उम्मेदवारहरू विजयी भए। कांग्रेसका उम्मेदवार देवराज देवकोटा प्रमुख निर्वाचित भए भने अम्बिकाकुमारी चलाउने ३९६० उप्रमुख निर्वाचित भइन्।
यस्तै मंगलसेन नगरपालिकामा एमालेकै उम्मेदवार पदमबहादुर बोहरा प्रमुख र सरिता उपाध्याय उपप्रमुख निर्वाचित भए।
सबैभन्दा ढिला मतपरिणाम आएको जिल्लाको साँफेबगर नगरपालिकामा पनि एमालेका उम्मेदवार प्रमुख र उपप्रमुख निर्वाचित भएका छन्। साँफेबगरमा एमालेका कुलबहादुर कुँवर प्रमुख र उपप्रमुखमा विर्मला बुढाथापा विजयी भए।
गाउँपालिकाको नतिजा
ढकारी गाउँपालिका (कांग्रेस)
अध्यक्ष- धनबहादुर बुढा र उपाध्यक्ष- लक्ष्मी साउद
तुर्माखाँद गाउँपालिका (कांग्रेस)
अध्यक्ष- पुष्पराज शर्मा र उपाध्यक्ष- अमृतादेवी बुढा
रामारोशन गाउँपालिका (माओवादी केन्द्र)
अध्यक्ष- झंकरबहादुर साउद र उपाध्यक्ष- सरस्वती रावल
जहाँ मिश्रित परिणाम आयो
जिल्लाका तीन गाउँपालिकामा अध्यक्ष र उपाध्यक्ष फरक फरक दलका उम्मेदवारले जितेका छन्। यी मध्ये बान्नीगढी जयगढ र मल्लेखमा कांग्रेस माओवादी केन्द्रको चुनावी तालमेल थियो।
चौरपाटी गाउँपालिका
अध्यक्ष- हर्कबहादुर साउद (एमाले) र उपाध्यक्ष- माया बहिक (कांग्रेस)
बान्नीगढ़ी जयगढ़ गाउँपालिका
अध्यक्ष - राजेन्द्रबहादुर खड्का (कांग्रेस) र उपाध्यक्ष- लोकबहादुर साउद (माओवादी केन्द्र)
मेल्लेख गाउँपालिका
अध्यक्ष- लोकबहादुर बोहरा (माओवादी केन्द्र) र उपाध्यक्ष धनबहादुर शाही (कांग्रेस)
तपाईंको ईमेल गोप्य राखिनेछ ।