धनुषा : धनुषाको हंसपुर नगरपालिकामा प्रहरी र स्थानीयबीच झडप हुँदा अवस्था तनावग्रस्त बनेको छ। गएराति सुगानिकास गाउँमा दुई पक्षबीच विवाद हुँदा ३५ वर्षीय दीपनारायण मण्डल घाइते भएका थिए।
त्यसपछि प्रहरी आई घाइते मण्डललाई पक्राउ गरी कुटपिट गरेको र प्रहरीकै कुटाइबाट उनको मृत्यु भएको स्थानीयको आरोप छ। इलाका प्रहरी कार्यालय सुगा निकासमा जम्मा भएको भीड र आक्रोशित स्थानीयहरूले बिहानै प्रहरी चौकी घेर्दै नाराबाजी गर्न थालेका थिए।
यसपछि प्रहरीले स्थिति नियन्त्रणमा लिन केही राउन्ड हवाई फायर र रब्बरको गोली पनि प्रहार गरेको थियो। प्रहरीको गोली लागेर तीन जना घाइते भएको स्थानीयले जनाएका छन्।
आक्रोशित भीडले प्रहरीको गाडीमा आगजनी गरेका छन्।
तपाईंको ईमेल गोप्य राखिनेछ ।