मनोरञ्जन

भारतीय गायक कुमार सानु विराटनगर आउने, ‘लाइभ कन्सर्ट’को तयारी
SHARES

साउन २५, २०७४

    विराटनगरः विराटनगरमा भारतका लोकप्रिय गायक कुमार सानुको अन्तर्राष्ट्रियस्तरको ‘लाइभ कन्सट’ हुने भएको छ। विराटनगरको फन एण्ड फुड भिलेज रिर्सोटमा आउँदो असोज ७ गते कन्सर्ट हुनेछ।

    मुन्टेज इन्टरनेशनल र फन एण्ड फुड भिलेज रिसोर्ट प्रा.लि.को संयुक्त आयोजनामा कुमार सानुको लाइभ कन्सर्ट हुने बुधबार विराटनगरमा पत्रकार सम्मेलन गरी जानकारी गराइएको हो।

    कुमार सानुको नेपालमा पहिलो पटक लाइभ कन्सर्ट उक्त संस्थाले गरेको बताएको छ। काठमाडौँमा नेपालका दर्शकको अपार माया र सद्भाव पाएपछि दोस्रो ठूलो शहर विराटनगरमा कुमार सानुको लाइभ कन्सर्ट गर्न लागेको मुन्टेज इन्टरनेसनलका प्रबन्ध निर्देशक रोशन पराजुलीले जानकारी दिए। 

    ‘लाइभ कन्सर्टको तयारीमा हामी लागिपरि सक्यौँ’, पराजुलीले भने, ‘विराटनगरमा हुने कुमार सानुको कन्सर्ट भव्य र सभ्य हुनेछ।’ लाइभ कन्सर्टमा गायक कुमार सानुले लगातार दुई घण्टा आफ्ना चर्चित गीत प्रस्तुत गर्नेछन्। नेपाली गीतसमेत गाएका कुमार सानुका गीत उत्तिकै लोकप्रिय छन्। लाइभ कन्सर्टमा उनले चारवटा नेपाली गीत प्रस्तुत गर्नेछन्। कन्सर्ट अवधिभर गायक कुमार सानुले दुई दर्जन गीत प्रस्तुत गर्ने आयोजकले जनाएको छ।

    ‘मनोरञ्जनको क्षेत्रमा काठमाडौँपछि पोखरा र धरानलाई मात्र हेरिने गर्दछ’, स्थानीय आयोजक तथा युवा व्यापारी कविन श्रेष्ठले भने, ‘पूर्वी नेपालको विराटनगरलाई मनोरञ्जनको क्षेत्रमा पहिचान गारउन अन्तर्राष्ट्रियस्तरको कन्सर्ट गर्न लागेका हौँ।’ 

    एक करोड रुपैयाँ खर्च हुने अनुमान गरिएको कन्सर्टमा अन्तर्राष्ट्रियस्तरको साउण्ड सिस्टम रहनेछ। कुमार सानुको लाइभ कन्सर्ट हेर्नका लागि भारतका विभिन्न प्रान्तदेखि स्वदेशका विभिन्न शहरबाट दर्शक आउने भएकाले चार हजार दर्शक अट्ने क्षमताको स्टेज बनाउने तयारी गरिएको श्रेष्ठले बताए। 

    उनका अनुसार लाइभ कन्सर्टका लागि पाँच हजार र दुई हजार पाँच सय रुपैयाँका मात्र टिकट रहनेछन्। टिकटको बिक्री भने केही दिनदेखि सुरु हुने उनले जानकारी दिए।

अर्जुन आचार्य

आचार्य थाहाखबरका मोरङ संवाददाता हुन्। इमेल : jorarjun@gmail.com

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]