प्रदेश
जिल्लाः
निर्वाचन क्षेत्र
पार्टी

राजनीति

बाढी, पहिरोबाट मृत्यु भएकाको परिवारलाई २ लाख दिने सरकारको निर्णय
SHARES

प्रधानमन्त्रीले हेलिकोप्टरबाट निरीक्षण गर्ने, मन्त्रीहरुले एक महिनाको तलब दिने

साउन २९, २०७४

    काठमाडौं : सरकारले बाढी, पहिरो र डुवानमा परी मृत्यु भएका व्यक्तिको परिवारलाई प्रति मृतक २ लाख रुपैयाँ राहत दिने भएको छ। आइतबार साँझ बसेको मन्त्रिपरिषद बैठकलले बाढी, पहिरो र डुवानबाट मृत्यु भएका व्यक्तिलाई राहत दिने निर्णय गरेको हो।

    आइतबार साँझसम्म बाढी, पहिरो र डुवानबाट ४९ जनाको मृत्यु भएको छ भने १७ जना वेपत्ता भएका छन्। बैठकले बाढी र पहिरो पीडितको उद्दार र राहतका लागि सबै मन्त्रीले एक महिनाको तलब दिने निर्णय गरेको सरकारका प्रवक्ता तथा सूचना तथा सञ्चारमन्त्री मोहनबहादुर बस्नेतले जानकारी दिएका छन्। मन्त्रिपरिषद बैठकले तत्काल राहत र उद्दारका लागि सम्बन्धित निकाय र स्थानीय निकायलाई परिचालन हुन निर्देशन पनि दिएको छ। 

    त्यस्तै बाढी र डुवान प्रभावित क्षेत्रमा प्रधानमन्त्री शेरबहादुर देउवाले सोमबार नै हेलिकोप्टरबाट अनुगमन गर्ने निर्णय पनि सरकारले गरेको छ। सोमबार प्रधानमन्त्रीले पूर्वी नेपालको सप्तरी र महोत्तरीको हेलिकोप्टरबाट निरीक्षण गर्ने निर्णय भएको सञ्चारमन्त्री बस्नेतले जानकारी दिए।

    आइतबार गृहमन्त्री जनार्दन शर्माले बाँके जिल्लाको हेलिकोप्टरबाट निरीक्षण गरेका थिए। उनले धेरै जिल्लामा अहिले पनि हवाई निरीक्षण गर्न पनि कठिन रहेको मन्त्रिपरिषद बैठकमा बताएका थिए। त्यसैले आइतबार प्रधानमन्त्रीले सप्तरी र महोत्तरीको निरीक्षण गर्न लागेका हुन्। प्रधानमन्त्रीको प्रारम्भिक अध्ययनपछि अल्पकालिन, दीर्घकालीन र मध्यकालीन राहतका कार्यक्रमहरु ल्याउने मन्त्री बस्नेतले बताए। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]