फिचर

पुनर्वासले पातलियो झापाको भुटानी शरणार्थी शिविर, फोटो
SHARES

कात्तिक १०, २०७४

    काठमाडौंः झापाको दमक र मोरङको पथरी शनिश्चरेमा २०४६ सालदेखि भुटानी शरणार्थीहरू बस्दै आएका छन्। लामो समयदेखि बस्दै आएका शरणार्थीहरू पछिल्लो समय पुनर्वासका कारण तेस्रो मुलुक जान थालेपछि शरणार्थी क्याम्प पातलिँदै गएको छ।

    अहिले पथरी र दमकस्थित बेल्डाँगीमा गरी करिब नौ हजारको संख्यामा मात्र शरणार्थीहरू बस्दै आएका छन्। भुटान फर्कन उनीहरूले पटक पटक आन्दोलन गरे। तर उनीहरूको स्वदेश फर्कने आन्दोलन अहिलेसम्म सफल भएको छैन।

    शरणार्थीहरूले आफ्नो दीर्घकालीन समस्या समाधानका लागि पनि पटक पटक आन्दोलन गर्दै आएका छन्। उनीहरूले आफूहरूको समस्याको समाधानका लागि स्वदेश फिर्ती, तेस्रो मुलुक पुनर्वास र स्थानीयकरणको माग गर्दै आएका छन्। तर पनि अहिलेसम्म तेस्रो मुलुक पुनर्वासले मात्र प्राथमिकता पाएको छ। यसकारण धेरै शरणार्थीहरूले विरक्तिएर तेस्रो मुलुक पुनर्वासको विकल्प रोजेका छन्। शिविरमा अहिले धेरैजसो वृद्धवृद्धा छन्।

    उनीहरू आफ्नै देश फर्कने अठोटका साथ बसेका छन्। पुनर्वासले अहिले शिविरमा पारिवारिक विचलनसमेत ल्याएको छ। कोही परिवार अमेरिका, कोही अष्ट्रेलियालगायत विभिन्न मुलुकमा हुँदा धेरै पारिवारिक विचलनमा परेका हुन्। शिविरभित्र अहिले पनि शारीरिक, मानसिक रोगी, दृष्टिविहीन तथा विभिन्न किसिमले अपांगता भएकाहरू पनि छन्। उनीहरूको संख्या ५६० रहेको भुटानी शरणार्थी अपांग संघकी अध्यक्ष देवीमाया गुरुङले जानकारी दिइन्।

    शरणार्थीसम्बन्धी संयुक्त राष्ट्र संघीय उच्च आयुक्तको कार्यालय दमकका अनुसार अहिलेसम्म एक लाख आठ हजारको हाराहारीमा भुटानी शरणार्थीहरू तेस्रो मुलुक पुनर्वास भएका छन्।

    हेर्नुहोस् भुटानी शरणार्थी शिविरका थप फाेटोहरु :

     

चिरञ्जिबी घिमिरे

घिमिरे थाहाखबरका लागि राजनीति, साहित्य र समाजबारे लेख्छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]