रूपन्देहीः ट्रकले ठक्कर दिँदा रूपन्देहीमा दुई विद्यार्थीको मृत्यु भएको छ।
भैरहवा–परासी सडक खण्डको रोहणी गाउँपालिका– ३ छोटी रामनगरमा लु१ख ९३५१ नम्बरको ट्रकले ठक्कर दिँदा दुई जनाको घटनास्थलमै मृत्यु भएको हो।
साइकलमा घरतर्फ जाँदै गरेकी रोहणी गाउँपालिका– ३ की १२ वर्षकी सन्ध्या प्रजापति र सोही स्थानका १४ वर्षका मुनिलाल कहारको मृत्यु भएको पश्चिम क्षेत्रीय ट्राफिक प्रहरी कार्यालय बुटवलले जानकारी दिएको छ।
मृतक कहार युनिक स्कुल र प्रजापति रामनरेश माविका विद्यार्थी हुन्। ठक्करबाट साइकलको पछाडि सवार दुई जना सामान्य घाइते भएका छन्।
ठक्कर दिने ट्रक र चालकलाई इलाका प्रहरी कार्यालय धकधईको नियन्त्रणमा लिइएको प्रहरीले बताएको छ।
तपाईंको ईमेल गोप्य राखिनेछ ।