राजनीति

प्रदेश प्रमुख नियुक्त नगरेकोमा आयोग गम्भीर, सरकारलाई लेख्यो पत्र
SHARES

पुस २८, २०७४

    काठमाडौं : निर्वाचन आयोले प्रदेश प्रमुख नियुक्त गर्न सरकारलाई फेरि आग्रह गरेको छ।

    आयोगको आज बसेको बैठकले राष्ट्रियसभा सदस्य निर्वाचनको मिति घोषणा भई निर्वाचन कार्यतालिका समेत प्रकाशित भइसकेको हुनाले प्रदेशसभा सदस्यको निर्वाचनको नतिजा घोषणा गर्नका लागि प्रदेश प्रमुखको नियक्ति गर्न आग्रह गरेको हो।

    ७ दिनभित्र प्रदेश प्रमुख समक्ष पठाउनु पर्ने भएकाले प्रदेश प्रमुख नियुक्ति गर्न सरकारसँग आग्रह गरिएको निर्वाचन आयोगका प्रवक्ता नवराज ढकालले जानकारी दिए। प्रदेशसभाको पहिलो हुने निर्वाचित हुने निर्वाचन प्रणाली र समानुपातिक निर्वाचन प्रणालीको नतिजा प्रदेश प्रमुख समक्ष बुझाउनु पर्ने व्यवस्था रहेको छ।

    प्रमुख निर्वाचन आयुक्त अयोधीप्रसाद यादवको अध्यक्षतामा बसेको बैठकले गरेको निर्णयबारे ढकालले भने, 'प्रदेशसभा सदस्य निर्वाचनको नतिजा घोषणा गरी ७ दिनभित्र प्रदेश प्रमुख समक्ष पठाउनु पर्ने कानूनी बाध्यताका कारण राष्ट्रिय सभा सदस्यको निर्वाचन प्रक्रियामा समेत प्रभाव पर्न सक्ने सम्भावना देखिएकोले निर्वाचन आयोग प्रदेश प्रमुखको नियुक्ति हुन नसकेको अवस्थाप्रति गम्भीर भएको छ। तसर्थ, यथाशीघ्र प्रदेश प्रमुखको नियुक्ति हुने ब्यवस्था मिलाउन नेपाल सरकारलाई पुनः अनुरोध गरी गृह मन्त्रालय मार्फत लेखी पठाउने निर्णय भएको छ।”

    राष्ट्रिय सभा सदस्यको निर्वाचन २०७४ माघ २४ गते हुने गरी सरकारले मिति तोकेको छ। सोही अनुसार निर्वाचन आयोगले निर्वाचन कार्यतालिकासहितको तयारी तीव्र रुपमा अगाडि बढाएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]